Oct 17, 2015
FIFA ពិន័យទៅលើ គុយវ៉ែត
 |
| ក្រុមជម្រើសជាតិ គុយវ៉ែត |
សហព័ន្ធកីឡាបាល់ទាត់ពិភពលោក FIFA បានដាក់ពិន័យទៅលើ សហព័ន្ធកីឡាបាល់ទាត់ប្រទេស គុយវ៉ែត ក្រោយពីបានរកឃើញថា មិនអាចអនុវត្តច្បាប់កីឡាថ្មីនៅក្នុងប្រទេសបាន។
គណកម្មការនៃ FIFA បានសរសេរលិខិតមួយទៅកាន់ សហព័ន្ធកីឡារបាល់ទាត់ប្រទេស គុយវ៉ែត កាលពីខែមុនស្តីពីការបារម្ភទៅលើការលូកដៃពីសំណាក់រដ្ឋាភិបាលក្នុងការរារាំងមិន អោយមានការអនុវត្តច្បាប់កីឡាថ្មីនៅក្នុងប្រទេសនេះ។
ការសម្រេចពិន័យនេះ នឹងធ្វើអោយប្រទេសគុយវ៉ែតមិនអាចប្រកួតទាំងក្របខ័ណ្ឌក្នុងនិងក្រៅស្រុក។
គួរបញ្ជាក់ផងដែរថា ជម្រើសជាតិ គុយវ៉ែត ធ្វើបានយ៉ាងល្អក្នុងព្រឹត្តិការណ៍ជម្រុះ World Cup 2018 ដោយរកបាន ១០ ពិន្ទុក្នុងចំណោម ៥ ប្រកួត។
កាលពីឆ្នាំ ២០០៧ និង ២០០៨ ប្រទេសគុយវ៉ែត ក៏ធ្លាប់ទទួលបានការពិន័យស្រដៀងនេះផងដែរ។ ទន្ទឹមនឹងនេះ កាលពីខែ ឧសភា សហព័ន្ធបាល់ទាត់ FIFA ក៏បានពិន័យក្រុមជម្រើសជាតិ ឥណ្ឌូនេស៊ី ផងដែ៕
Oct 16, 2015
Ings រងរបួសជង្គង់ធ្ងន់ធ្ងរ
 |
| Danny Ings កាលពីពេលលេងឲ្យ Liverpool |
ខ្សែប្រយុទ្ធក្រុម Liverpool កីឡាករ Danny Ings នឹង អវត្តមានពេញមួយរដូវកាលបន្ទាប់ពីរងរបួសជង្គង់ធ្ងន់ធ្ងរ និងត្រូវការវះកាត់។
Ings រងរបួសក្នុងកំឡុងពេលហ្វឹកហាត់ក្រោមការបង្ហាត់លើកដំបូង ពីគ្រូបង្វឹកថ្មីលោក Jurgen Klopp កាលពីថ្ងៃ ពុធ។ Ings បានចូលលេងឲ្យក្រុមជម្រើសជាតិ អង់គ្លេស លើកដំបូងជាកីឡាករដូរចូល ក្នុងជំនួបជាមួយប្រទេស លីទុយអានី ដោយលទ្ធផល អង់គ្លេស ឈ្នះ ៣ - ០។
ក៏មានដំណឹងល្ហៀងៗមកថា សមាជិកក្រុម Liverpool ម្នាក់ទៀត កីឡាករ Joe Gomez ក៏រងរបួសធ្ងន់ធ្ងរផងដែរបន្ទាប់ពីចូលលេងក្នុងការប្រកួត U-21 រវាង អង់គ្លេស នឹង កាហ្សាក់ស្ថាន កាលពីថ្ងៃអង្គារ។
Ings រកគ្រាប់បាល់ឲ្យ Liverpool បាន ៣ដង បន្ទាប់ពីផ្ទេរពីក្លឹប Burnley មកកាន់ Liverpool កាលពីចុងរដូវកាលមុន។
សម្រាប់ Liverpool កីឡាករដែលកំពុងរងរបួសផ្សេងទៀតរួមមាន Christian Benteke ដែលនឹងអវត្តមានក្នុងជំនួបជាមួយ Tottenham ថ្ងៃស្អែកនេះ៕
Raul ប្រកាសចូលនិវត្តន៍
 |
| កីឡាករ Raul កាលពីលេងឲ្យ Real Madrid |
Raul ចូលលេងបាល់ទាត់ដំបូងក្នុងឆ្នាំ ១៩៩៤ ឲ្យក្លឹប Real Madrid នឹងបានលេងឲ្យក្លឹបនេះចំនួន ១៦ឆ្នាំ និងទទួលបានពានរងា្វន់ ជើងឯក La Liga ៦ ដង និង ជើងឯក Champions League ចំនួន ៣ ដង។
Raul ធ្លាប់ជាកីឡាករដែលស៊ុតបញ្ចូលទីច្រើនជាងគេឲ្យ Real Madrid សរុបចំនួន ៣២៣គ្រាប់ ដែលកំណត់ត្រាគ្រាប់ស៊ុតនេះទើបនឹងបំបែកបានថ្មីៗដោយ Cristiano Ronaldo។
ខ្សែប្រយុទ្ធវ័យ ៣៨ឆ្នាំ រូបនេះស៊ុតរកគ្រាប់បាល់ឲ្យក្រុមជម្រើសជាតិ អេស្ប៉ាញ បាន ៤៤គ្រាប់ ក្នុង ១០២ប្រកួត។
បន្ទាប់ពីចាកចេញពី Real Madrid កីឡាករ Raul បានចំណាយពេល ២ឆ្នាំនៅក្លឹប Schalke និង Qatari side Al Sadd មុនពេលការផ្ទេរទៅកាន់ក្លឹប New York Cosmos នៅចុងឆ្នាំ ២០១៤។
គេបាននិយាយថា នេះជាពេលដែលគេត្រូវចូលនិវត្តន៍ពីវិស័យបាល់ទាត់។ បាល់ទាត់គឺជាផ្នែកមួយយ៉ាងសំខាន់នៃជីវិតរបស់គេ៕
Mar 23, 2015
UEFA ពិន័យ Inter និង Celtic ដោយសារអ្នកគាំទ្រដុតកាំជ្រួច
 |
| ទិដ្ឋភាពការដុតកាជ្រួចរបស់អ្នកគាំទ្រ |
សមាគមបាល់ទាត់អឺរ៉ុប សម្រេចពិន័យក្រុម Inter Milan និង Celtic បន្ទាប់ពីរកឃើញថាអ្នកគាំទ្ររបស់ពួកគេបានអុចកាំជ្រួចក្នុងកំឡុងពេលប្រកួតរវាងក្រុមទាំងពីរ ក្នុងក្របខ័ណ្ឌ Europa League វគ្គ ៣២ ក្រុមចុងក្រោយ។
គួរបញ្ជាក់ផងដែរថា ការប្រកួតដែលមានភាពមិនប្រក្រតីពីសំណាក់អ្នកគាំទ្រនេះ គឺបានធ្វើឡើងកាលពីខែមុននៅកីឡាដ្ឋាន San Siro ដែលជាទឹកដីរបស់ក្រុម Inter ដោយលទ្ធផលគឺ Inter 1-0 Celtic ហើយបើនិយាយពីគ្រាប់សរុបទាំងពីរជើងគឺ Inter 4-3 Celtic។ ដូច្នះមានន័យថា Inter គឺមានសិទ្ធឡើងទៅវគ្គបន្ទាប់។
UEFA បានចេញសេចក្តីថ្លែងការណ៏មួយដោយបញ្ជាក់ថា ក្រុមទាំងពីរ Inter និង Celtic ត្រូវពិន័យដោយក្លឹបនីមួយៗត្រូវបង់ជាសាច់ប្រាក់ចំនួន ៥០០០ យូរ៉ូ ដោយសារតែអាកប្បកិរិយាមិនសមរម្យរបស់អ្នកគាំទ្រ។ បន្ថែមពីនេះ Celtic ត្រូវបានពិន័យ ៨០០០ យូរ៉ូ បន្ថែមដោយមូលហេតុការរៀបចំក្រុមមិនបានល្អ បន្ទាប់ពី UEFA សង្កេតឃើញថាក្រុមនេះ ទទួលបានកាតសរុប រហូតដល់ទៅ ៥ និង កាតក្រហមមួយ។
ស្រដៀងគ្នានេះ UEFA ក៏បានពិន័យជាទឹកប្រាក់ចំនួន ២០០០០ យូរ៉ូ ទៅលើក្លឹប Dynamo Moscow ផងដែរ៕
Feb 21, 2014
Balotelli របួសស្មាអវត្តមានប្រហែល ១០ថ្ងៃ
ក្លឹបបាល់ទាត់ AC Milan បានបង្ហាញឲ្យដឹងថាខ្សែប្រយុទ្ធ Mario Balotelli នឹងត្រូវអវត្តមានប្រមាណជា ១០ថ្ងៃក្រោយពីរបួសស្មា។ ការរងរបួសនេះគឺបានកើតឡើងក្នុងជំនួបដែល AC Milan ទទួលបរាជ័យលើទឹកដីខ្លួនឯងដោយលទ្ធផល 1-0 ជាមួយ Athletico Madrid ក្នុងការប្រកួតវគ្គ ១៦ក្រុមចុងក្រោយជុំទី១នៃក្របខ័ណ្ឌ UEFA Champions League បន្ទាប់ពីប៉ះទង្គិចជាមួយនឹងកីឡាករ Diego Costa។
របួសនេះនឹងធ្វើឲ្យ Mario Balotelli មិនអាចចូលលេងបានក្នុងការប្រកួតរបស់ AC Milan នៅទឹកដី Sampdoria បានទេនៅរាត្រីថ្ងៃអាទិត្យនេះ។ ទន្ទឹមនឹងនេះ វត្តមានរបស់ Mario Balotelli ស្ថិតក្នុងមន្ទិលនៅឡើយសម្រាប់ការប្រកួតខ្នាតយក្សរវាង AC Milan និង Juventus នៅដើមខែមិនា។
គួរបញ្ជាក់ផងដែរថា កីឡាករ Mattia De Sciglio ក៏ទទួលរងរបួសជង្គង់ផងដែរក្នុងជំនួបជាមួយ Athletico Madrid កាលពីថ្ងៃពុធកន្លងទៅ។ ប៉ុន្តែទោះជាយ៉ាងណា Mattia De Sciglio ត្រូវសំរាករយៈពេលប៉ុន្មាន គឺនៅមិនទាន់ដឹងនៅឡើយ៕
គួរបញ្ជាក់ផងដែរថា កីឡាករ Mattia De Sciglio ក៏ទទួលរងរបួសជង្គង់ផងដែរក្នុងជំនួបជាមួយ Athletico Madrid កាលពីថ្ងៃពុធកន្លងទៅ។ ប៉ុន្តែទោះជាយ៉ាងណា Mattia De Sciglio ត្រូវសំរាករយៈពេលប៉ុន្មាន គឺនៅមិនទាន់ដឹងនៅឡើយ៕
Feb 20, 2014
ខែកុម្ភៈ 2014៖ ក្រុមចំនួនពីរនៅ Premier League បានផ្លាស់ប្តូរគ្រូបង្វឹក
 |
| Michael Laudrup (ឆ្វេង) និង Garry Monk |
 |
| Rene Meulensteen (ឆ្វេង) និង Felix Magath |
- 14 កុម្ភៈ_____លោក Felix Magath ត្រូវបានតែងតាំងជាគ្រូបង្វឹកថ្មីរបស់ក្លឹប Fulham បន្ទាប់ពីលោក Rene Meulensteen ដែលជាគ្រូបង្វឹកចាស់ត្រូវបានបណ្តេញចេញក្នុងថ្ងៃតែមួយ៕
អត្ថបទ៖ ឡាត់ ចាន់ដារ៉ា
Subscribe to:
Posts (Atom)